Անցած գիշեր ռուսական հրետակոծության հետևանքով Դոնեցկում երկու խաղաղ բնակիչ է զոհվել, երեք մարդ վիրավորվել է:
Խերսոնի մարզում վերջին 24 ժամվա ընթացքում վիրավորվել է 8 մարդ, այդ թվում՝ մեկ երեխա: Վիրավորներ կան նաև Դնեպրոպետրովսկում։
Այս ֆոնին Կրեմլը հայտարարել է, թե «Ռուսաստանը նախընտրում է քաղաքական և դիվանագիտական միջոցները Ուկրաինայում հակամարտությունը լուծելու համար», սակայն Կիևը և Արևմուտքը մերժել են այդ ուղին։
«Մեր նախընտրելի տարբերակը քաղաքական և դիվանագիտական միջոցներն են», - ըստ ՏԱՍՍ-ի, ասել է Կրեմլի խոսնակը։ Դմիտրի Պեսկովը միաժամանակ , առանց ապացույցներ ներկայացնելու պնդել է, թե Մոսկվան շարունակում է իր ռազմական գործողությունները Ուկրաինայում, քանի որ «երկխոսության բոլոր առաջարկները մերժվել են՝ թե՛ Ուկրաինայի, թե՛ արևմտյան երկրների կողմից»։
