Ուկրաինայի նախագահ Վլադիմիր Զելենսկին կրկին առաջարկել է Ռուսաստանի նախագահ Վլադիմիր Պուտինին հանդիպել և բանակցել Ուկրաինայում պատերազմի դադարեցման շուրջ։
Առաջարկը հնչել է երկու երկրների պատվիրակությունների միջև այս շաբաթ Ստամբուլում կայանալիք հանդիպումից առաջ, որը կլինի երրորդը՝ տարեսկզբից ի վեր։
Կրեմլը հայտարարել է, որ այդ հանդիպումից հրաշքներ սպասելու որևէ հիմք չկա: «Մենք մտադիր ենք պաշտպանել մեր շահերը և կատարել այն խնդիրները, որոնք մենք ի սկզբանե դրել ենք մեր առջև»,-հայտարարել է Պուտինի խոսնակը։
