Ռուսաստանը պատրաստ է նպաստել Երևանի և Բաքվի միջև հարաբերությունների կարգավորմանը, «Իզվեստիա»-ին ասել է Ռուսաստանի փոխարտգործնախարար Միխայիլ Գալուզինը։
Նա ընդգծել է, որ Հայաստանի ու Ադրբեջանի միջև խաղաղության հասնելու հիմնական ուղղություններն ուրվագծվել են Ռուսաստանի, Ադրբեջանի և Հայաստանի ղեկավարների 2020 և 2022 թվականների եռակողմ համաձայնագրերում։
«Մենք կարծում ենք, որ սրանք այն ուղղություններն են, որոնցով մենք պետք է շարժվենք՝ խաղաղության պայմանագրի պատրաստում, տարածաշրջանում տնտեսական կապերի և տրանսպորտային հաղորդակցությունների ապաշրջափակում, սահմանների սահմանազատում հետագա սահմանազատմամբ, Հայաստանի ու Ադրբեջանի խորհրդարանների միջև երկխոսության հաստատում։ Եվ, իհարկե, ռուսական կողմը, որպես եռակողմ համաձայնագրերի մասնակիցներից մեկը, պատրաստ է շարունակել նպաստել դրանց իրականացմանը։ Բնականաբար, այնպիսի ձևով, որը հարմար կլինի երկու կողմերի համար», - նշել է Գալուզինը։
Նախօրեին Աբու Դաբիում հանդիպել են Հայաստանի վարչապետ Նիկոլ Փաշինյանն ու Ադրբեջանի նախագահ Իլհամ Ալիևը: Ե՛վ Երևանը, և՛ Բաքուն շեշտել են, որ ամենաարդյունավետ ձևաչափը երկկողմ բանակցություններն են համարում, և պայմանավորվել են շարունակել երկխոսությունը:
