Իսլամական համագործակցության կազմակերպության արտգործնախարարները անցած երկու օրերին Ստամբուլում կայացած հավաքի ավարտին եզրափակիչ հայտարարություն են ընդունել, որում անդրադարձ կա նաև Հայաստանին ու Ադրբեջանին։
Ողջունելով «Խաղաղության և միջպետական հարաբերությունների հաստատման մասին» երկկողմ համաձայնագրի շուրջ բանակցությունների ավարտը՝ իսլամական երկրները կոչ են անում Հայաստանին «հաղթահարել դրա ստորագրմանը խոչընդոտող մնացած իրավական և քաղաքական խոչընդոտները և դադարեցնել Ադրբեջանի ինքնիշխանության և տարածքային ամբողջականության սասանումը»։
Կազմակերպությունը, որին անդամակցում է 57 պետություն, վերահաստատել է լիակատար համերաշխությունը Ադրբեջանի կառավարությանն ու ժողովրդին՝ «հայկական ագրեսիայից տուժած, ազատագրված տարածքները վերականգնելու և վերակառուցելու ջանքերում»։
