Խաղաղության պայմանագրի տեքստը համաձայնեցրել ենք, բայց Ադրբեջանի համար երկու կարևոր խնդիր դեռ մնում է, Պրահայում ընթացող GLOBSEC 2025 ֆորումին հայտարարել է Ադրբեջանի նախագահի խորհրդականը՝ վերստին թվարկելով Բաքվի երկու նախապայմանները՝ Հայաստանի Սահմանադրության փոփոխությունն ու ԵԱՀԿ Մինսկի խմբի լուծարում:
«Իհարկե, մենք հասկանում ենք, որ սահմանադրական հարցերը ցանկացած երկրի ներքին գործն են, բայց երբ Սահմանադրության մեջ կա մեկ այլ երկրի վերաբերյալ տարածքային պահանջի հղում կա, դա մտահոգությունների տեղիք է տալիս»,- հայտարարել է Հիքմեթ Հաջիևը:
Հայաստանի իշխանությունները նոր Սահմանադրություն են մշակում, բայց վստահեցնում են, թե դա Բաքվի պահանջով չեն անում: Ինչ վերաբերում է ղարաբաղյան հակամարտության կարգավորմամբ զբաղված ԵԱՀԿ Մինսկի խմբի լուծարմանը, ապա պաշտոնական Երևանը հայտարարում է, թե դա պատրաստ է անել հայ - ադրբեջանական խաղաղության պայմանագրի ստորագրմանը զուգահեռ:
