Ռուսաստանի 56 քաղաքացիներ այսօր տարհանվել են Իրանից՝ Ադրբեջանի տարածքով։ Այս մասին հաղորդում է ТАСС գործակալությունը՝ վկայակոչելով Բաքվում Ռուսաստանի դեսպանատան աշխատակիցներին։
Աստարայի անցակետով տարհանվածների թվում են հայտնի կինոռեժիսոր Ֆյոդոր Բոնդարչուկն ու նրա նկարահանող խմբի անդամները։
Ռուսաստանցի կինեմատոգրաֆիստները Իրանում էին «Դժվար է Աստված լինել» ֆիլմի նկարահանումներին մասնակցելու նպատակով, որը ստեղծվում է Ստրուգացկի եղբայրների համանուն գրքի հիման վրա։
Տարհանվածների թվում էին նաև Չայկովսկու անվան սիմֆոնիկ նվագախմբի երաժիշտները։
