Իրանի Իսլամական Հանրապետության պատասխանը իսրայելական հարձակումներին կլինի կոշտ, IRNA-իփոխանցմամբ՝ հայտարարել է Իրանի Զինված ուժերի խոսնակ Աբոլֆազլ Շեքարչին։
Բրիգադային գեներալ Շեքարչին ուրբաթ առավոտյան հայտարարել է, որ Իսրայելի ռեժիմի կողմից գիշերային հարվածները, որոնք, նրա խոսքով, իրականացվել են ԱՄՆ աջակցությամբ, կոշտ պատասխան կստանան։
Իսրայելական կողմն անցած գիշեր հարվածներ է հասցրել Իրանի մայրաքաղաք Թեհրանում և նրա շրջակայքում, ինչպես նաև Իրանի այլ քաղաքներում։
Ավելի վաղ ԱՄՆ պետքարտուղար Մարկո Ռուբիոն հայտարարել է՝ Իսրայելի գործողությունները միակողմանի են և ԱՄՆ-ը չի մասնակցում Իրանի դեմ հարվածներին:
