ԱՄՆ նախագահ Դոնալդ Թրամփը և Իսրայելի վարչապետ Բենյամին Նեթանյահուն երկուշաբթի օրը կայացած զրույցի ընթացքում քննարկել են Իրանի շուրջ զարգացումները և այլ թեմաներ:
«Մենք հիմա շատ աշխատանք ենք տանում Իրանի ուղղությամբ», - Reuters-ի փոխանցմամբ՝ ասել է Թրամփը Սպիտակ տանը տեղի ունեցած տնտեսական միջոցառման ժամանակ։ «Դժվար է… Նրանք հիանալի բանակցողներ են», նշել է ԱՄՆ նախագահը։
Նեթանյահուն էլ նշել է` Թրամփն իրեն հայտնել է, որ բանակցությունները կշարունակվեն շաբաթվա վերջին, նշված է Իսրայելի վարչապետի գրասենյակի հայտարարության մեջ։
Վաշինգտոնն ու Թեհրանը արդեն հինգ փուլ բանակցություններ են վարել Իրանի միջուկային ծրագրի շուրջ՝ Թրամփի նախագահ դառնալուց ի վեր։ ԱՄՆ-ը պնդում է, որ Իրանը պետք է լիովին դադարեցնի ուրանի հարստացման բոլոր գործողությունները:
