Մաքսատուրքերի հարցով փակուղում հայտնված Միացյալ Նահանգների և Չինաստանի միջև բանակցությունների ֆոնին հեռախոսազրույց են ունեցել երկու երկների նախագահներ Դոնալդ Թրամփը և Սի Ծինփինը։ Այս մասին հաղորդում է չինական պետական Xinhua գործակալությունը։
Աղբյուրի համաձայն՝ զրույցը կայացել է Դոնալդ Թրամփի նախաձեռնությամբ։ Այլ մանրամասներ այս պահին չեն հաղորդվում։
Վաշինգտոնը հեռախոսազրույցի մասին առայժմ չի տեղեկացրել։
Համաշխարհային առևտուրը խաթարած նոր մաքսատուրքերի հարցով Թրամփը ենթադրել էր, որ դժվար է համաձայնության հասնել Չինաստանի առաջնորդի հետ։
«Ինձ դուր է գալիս Չինաստանի նախագահ Սին, միշտ է դուր եկել և միշտ դուր կգա, բայց նա շատ կոշտ է, և նրա հետ շատ բարդ է համաձայնագիր կնքել», - երեկ սոցցանցերում գրել է Սպիտակ տան ղեկավարը:
