Հանրային տրանսպորտի վճարների թերակատարումների պատճառով Երևանի քաղաքապետարանը այս տարի չի կարողանա ձեռք բերել 2025-ի համար նախատեսված 30 տրոլեյբուսը, այս մասին քիչ առաջ հայտարարեց քաղաքապետի խոսնակ Հայկ Կոստանյանը։
Չնայած թանկացումներին՝ շարժակազմի խնդիրն այս տարի էլ չի լուծվի։ Քաղաքային իշխանություններն ավելի վաղ սլաքները չվճարողների կողմն ուղղելով չէին բացառել, որ այդ պատճառով նոր տրանսպորտային միջոցներ գուցե չկարողանան գնել։
