Իրանի ու Միացյալ Նահանգների բանագնացները պայմանավորվել են ևս մեկ հանդիպում ունենալ հաջորդ շաբաթ Օմանում՝ Թեհրանի միջուկային ծրագրի շուրջ տարաձայնությունները հարթելու համար։
Համաձայնությունը ձեռք է բերվել այսօր Հռոմում կայացած հանդիպմանը, որին իրանական կողմից մասնակցում էր արտգործնախարար Աբբաս Արաղչին, Վաշինգտոնից՝ նախագահ Թրամփի Մերձավոր Արևելքի բանագնաց Սթիվ Ուիթքոֆը:
Բանակցությունները անցնում են անուղղակի՝ Օմանի միջնորդությամբ։
Ավելի վաղ ԱՄՆ նախագահ Դոնալդ Թրամփը զգուշացրել էր՝ եթե դիվանագիտությունը ձախողվի, Վաշինգտոնը պատրաստ է ռազմական գործողություններ սկսել: «Մենք չենք կարող թույլ տալ, որ Իրանի միջուկային զենք ունենա»,- ասել է նա։
