Ձերբակալվել են Երևանի քաղաքապետարանի պաշտոնյաներ, տեղեկությունը «Ազատության» հետ զրույցում հաստատեցին Հակակոռուպցիոն կոմիտեից:
Թե քանի հոգի է ձերբակալվել և ովքեր են, կոմիտեից չեն հստակեցնում:
«Ազատության» տեղեկություններով՝ ձերբակալվածներից մեկը Երևանի քաղաքապետարանի հասարակական կարգի պահպանության ղեկավար Արամ Գյուլզադյանն է:
Հակակոռուպցիոն կոմիտեից միայն հայտնեցին, որ գործողություններն իրականացվում են կոմիտեում քննվող վարույթի շրջանակներում:
Քաղաքապետի խոսնակ Հայկ Կոստանյանն էլ իր ֆեյսբուքյան էջում գրելով, որ քաղաքապետարանի աշխատակիցներ են ձարբակալվել՝ նշելով. - «Քաղաքապետարանը համագործակցում է իրավապահ մարմինների հետ՝ օրենքով սահմանված ընթացակարգերին աջակցելու նպատակով»։
