ԱՄՆ-ը 725 միլիոն դոլարի ռազմական օգնության նոր փաթեթ է հատկացրել Ուկրաինային, հայտնում է Սպիտակ տունը՝ նշելով, որ այս հատկացումն Ուկրաինայի անվտանգությանն աջակցությունը մեծացնելու ԱՄՆ նախագահ Ջո Բայդենի սեպտեմբերի 26-ի հայտարարության շրջանակներում է։
Փաթեթով ԱՄՆ պաշտպանության նախարարության միջոցներից զենք և սարքավորումներ կտրամադրվեն Կիևին՝ ռուսական շարունակական հարձակումներից պաշտպանվելու համար, նշվում է հայտարարությունում:
Նախագահի ազգային անվտանգության հարցերով խորհրդական Ջեյք Սալիվանը հայտարարել է, որ Վաշինգտոնը նախատեսում է Կիևին «հարյուր հազարավոր լրացուցիչ հրետանային արկեր և հազարավոր լրացուցիչ հրթիռներ» մատակարարել մինչև հունվարի կեսերը։
Սալիվանը նաև նշել է, որ մինչև Բայդենի պաշտոնավարման ավարտը ԱՄՆ վարչակազմը մտադիր է նոր պատժամիջոցներ սահմանել Ռուսաստանի նկատմամբ։
