Երերույքի տաճարում ամրաշինական աշխատանքներ են

Երերույքի 4-5-րդ դարերի բազիլիկ տաճարի ամրաշինական աշխատանքները մի քանի ամիս է մեկնարկել են:

Հայաստանում ԱՄՆ դեսպանի Մշակութային արժեքների պահպանության հիմնադրամը 175 հազար դոլար է հատկացրել տաճարի որոշ հատվածներում՝ վերականգնողական, մնացած հատվածներում էլ՝ ամրաշինական աշխատանքների համար:

Նախ ուսումնասիրվել է եկեղեցու տեխնիկական վիճակը, և ճարտարապետների խումբը եզակի բազիլիկի հետագա քայքայումն ու փլուզումը կանխելու լուծումներ է գտել:

Միջազգային խումբ է աշխատել, որի կազմած նախագծով էլ իրականացվում են ամրաշինական աշխատանքները:

Աշխատանքները պետք է ավարտվեն մինչև հոկտեմբերի 20-ը:

Վաղ քրիստոնեական շրջանում կառուցված Երերույքի տաճարն ընդգրկված է ՅՈՒՆԵՍԿՕ-ի համաշխարհային ժառանգության նախնական ցանկում, նաև՝ Եվրոպայի ամենավտանգված 7 եկեղեցիների: Երերույքում մի քանի տարի հայ ու ֆրանսիացի հնագետների արշավախումբ է աշխատել, աշխատություններ են հրապարակվել:

Մանրամասները՝ «Ազատության» հեռուստառեպորտաժում.