Չեչնիայի ղեկավար Ռամզան Կադիրովը որդուն՝ 16-ամյա Ադամին, նշանակել է Գուդերմեսում Վլադիմիր Պուտինի անվան ռուսական հատուկ նշանակության ուժերի համալսարանի համակարգող (կուրատոր), գրել է նա Տելեգրամում։
Կադիրով կրտսերը սկսել է մրցանակներ ստանալ և բարձր պաշտոնների նշանակվել նախորդ աշնանից. հոկտեմբերին ռուսական ԶԼՄ-ներում և սոցիալական ցանցերում մեծ սկանդալ առաջացրեց մի տեսանյութ, ըստ որի Ադամ Կադիրովը Գրոզնիի քննչական մեկուսարանում ծեծի է ենթարկում մահմեդականների սուրբ գիրքը՝ Ղուրանը այրելու համար մեղադրվող Նիկիտա Ժուրավլյովին։
Նրան շնորհվել է Չեչնիայի Հանրապետության հերոսի կոչում։
Ռամզան Կադիրովի հարազատներն ու ընկերները պարբերաբար մրցանակներ ու տարբեր պաշտոններ են ստանում Չեչնիայում։
