Amnesty International միջազգային իրավապաշտպան կազմակերպությունը քննադատել է Վրաստանի իրավապահ մարմիններին և պահանջել պատժի ենթարկել ապրիլի 16-ի գիշերը ցուցարարների դեմ ուժ կիրառած ոստիկաններին։
Ցուցարարների դեմ կիրառված բիրտ ուժը իրավապաշտպան կազմակերպությունը «պատժիչ գործողություն» է գնահատել։
«Իշխանություններն այնպես են գործում, ասես իրենց իրավասությունն է՝ որոշել, թե մարդկանց երբ է կարելի, կամ չի կարելի դուրս գալ բողոքի», - նշել է Amnesty International-ը՝ Վրաստանի իշխանություններին ևս մեկ անգամ կոչ անելով հրաժարվել «օտարերկրյա գործակալի» մասին օրինագծից։
