Ռուսաստանի կողմը այս գիշեր անօդաչու սարքերով կրկին հարվածել են Խարկովին, հայտնում է Reuters-ը՝ հղում անելով Ուկրաինայի ազգային ոստիկանությանը:
Հարվածի հետևանքով 6 խաղաղ բնակիչ է զոհվել, ևս 10-ը վիրավորվել են, հայտնում են պաշտոնյաները:
«Այսօր առավոտվա դրությամբ Շևչենկովսկի թաղամասում գիշերային հարվածի հետևանքով կա 6 զոհ և 10 վիրավոր»,- ասել է Խարկովի քաղաքապետ Իհոր Տերեխովը Telegram հաղորդագրությունների հավելվածում։
