ԱՄՆ Գերագույն դատարանն արգելել է նահանգներին ջնջել Դոնալդ Թրամփի անունը նախագահական ընտրությունների նախընտրական քվեաթերթիկներից։
Դատարանի վճիռը պարտադիր կատարման ենթակա է ողջ երկրում։
Դատարանն այդպիսով չեղարկել է Կոլորադոյի դատարանի որոշումը, որը Թրամփի թեկնածությունը բացառելու վճիռ էր կայացրել՝ վկայակոչելով ԱՄՆ Սահմանադրության այն հոդվածը, որն արգելում է ապստամբություններին կամ հեղաշրջումներին առնչություն ունեցած պաշտոնյաներին մասնակցել ընտրություններին։
Գերագույն դատարանի որոշումը կայացվել է «Սուպեր երեքշաբթիի» նախաշեմին․ այսօր ԱՄՆ 16 նահանգներում և մեկ տարածքում կանցկացվեն նախագահական ներկուսակցական ընտրություններ։
