Իսրայելը հայտարարել է, որ Ռաֆահում իրականացված գրոհի ժամանակ իսրայեցի երկու պատանդների է փրկել, հաղորդում է BBC-ին։
Ըստ Իսրայելի պաշտպանության բանակի (ISA)՝ ազատ արձակված պատանդների «առողջական վիճակը լավ է», և նրանք տեղափոխվել են իսրայելական հիվանդանոց՝ բժշկական հետազոտությունների համար:
Ավելի վաղ Պաղեստինի Կարմիր մահիկը հաղորդել էր, որ Ռաֆահը հարձակման է ենթարկվել, հաղորդվում էր նաև զոհերի մասին։
Իսրայելն իր հերթին հայտարարել էր, որ հարվածներ է հասցրել Գազայի հարավին` մանրամասներ չներկայացնելով:
Ավելի ուշ Իսրայելի պաշտպանության բանակը հայտարարեց, որ «ISA-ի և Իսրայելի ոստիկանության համատեղ գործողությունների արդյունքում փրկվել են իսրայելցի երկու պատանդներ՝ 60-ամյա Ֆերնանդո Սիմոն Մարմանը և 70-ամյա Լուի Հարը»:
Մարդասիրական կազմակերպությունները զգուշացրել են, որ Իսրայելի հարձակումը Ռաֆահի վրա կարող է վատթարացնել առանց այն էլ աղետալի մարդասիրական իրավիճակը Գազայում։ Օտարերկրյա մի շարք առաջնորդներ ասել են նաև, որ Ռաֆահում գործողությունը աղետալի կլինի փախստականների համար։
2023-ի հոկտեմբերի 7-ին ԱՄՆ-ի և ԵՄ-ի կողմից ահաբեկչական կազմակերպություն ճանաչված «Համաս»-ի կողմից պատանդ է վերցվել ավելի քան 240 մարդ։ Ռազմական գործողությունների դադարի ընթացքում գերությունից վերադարձվել է 110 մարդ։ 124 մարդ, այդ թվում՝ Իսրայելի 113 քաղաքացի, դեռ պատանդ են մնում։ Նրանցից ավելի քան 30-ին Իսրայելի իշխանությունները հեռակա կարգով մահացած են ճանաչել։
