«Վրացական երազանք»-ի արտահերթ համագումարում Վրաստանի նախկին վարչապետ Իրակլի Ղարիբաշվիլին այսօր ընտրվեց քաղաքական իշխող ուժի նախագահ։ Վարչապետի պաշտոնից նա հրաժարական էր տվել հունվարի 29-ին։
Ակնկալվում է, որ նոր վարչապետ կառաջադրվի «Վրացական երազանք»-ի նախկին նախագահ Իրակլի Կոբախիձեն։
«Վրացական երազանք»-ի հիմնադիր միլիարդատեր Բիձինա Իվանիշվիլին վերջերս հայտարարեց քաղաքականություն վերադառնալու մասին՝ դառնալով կուսակցության պատվավոր նախագահը։
Գալիք աշնանը Վրաստանում խորհրդարանական ընտրություններ են։
