Ադրբեջանի օրենսդիր մարմինը «արևմտյան ադրբեջանցիների՝ իրենց պատմական հայրենիք վերադառնալու» մասին հատուկ հայտարարություն է ընդունել։
Միլի Մեջլիսում ընդունված փաստաթղթի համաձայն «արևմտյան ադրբեջանցիների պատմական հայրենիքը» Հայաստանն է։
«Ադրբեջանցիները դարեր շարունակ ապրել են ներկայիս Հայաստանի տարածքում: Պատմական փաստաթղթերն ու քարտեզները վկայում են, որ այստեղ ապրող բնակչության մեծ մասը ադրբեջանցիներ են եղել»,- ԱՊԱ գործակալության փոխանցմամբ, ասված է հայտարարության տեքստում, որը խորհրդարանում ներկայացրել է «Արևմտյան Ադրբեջանի համայնքի» նախագահ, պատգամավոր Ազիզ Ալեքբերլին։
