Իսրայելի ու «Համաս»-ի միջև ձեռք բերված հրադադարի համաձայն, Եգիպտոսի հետ սահմանային «Ռաֆահ» անցակետով այսօր առավոտից ավելի քան 60 տրանսպորտային միջոց է անցել Գազայի հատված` տեղափոխելով նաև վառելիք՝ գազ, բենզին ու դիզվառելիք։
Վառելիքը Գազայում խիստ պահանջված է, որովհետև հոկտեմբերի 7-ից` «Համաս»-ի ահաբեկիչների հարձակումից ի վեր Գազայի հատվածի էլեկտրամատակարարումը Իսրայելի կողմից դադարեցվել էր։
Գազայի հատվածում հիվանդանոցների ու կենսական այլ օբյեկտների սարքավորումները աշխատում էին գեներատորների միջոցով, որոնց վառելիքը վերջանալու մասին միջազգային կառույցները բազմիցս ահազանգել են։
