Եվրամիության գլխավոր գործադիր մարմինը՝ Եվրոպական հանձնաժողովը, դաշինքի ղեկավարությանը խորհուրդ է տալիս անդամակցության շուրջ պաշտոնական բանակցություններ սկսել Ուկրաինայի հետ։ Եվրահանձնաժողովի այս որոշումը հրապարակվել է քիչ առաջ Բրյուսելում։
Դրա հետ մեկտեղ, ԵՄ ղեկավարները նշել են, որ բանակցությունների ֆորմալ մեկնարկը կախված կլինի Ուկրաինայի կողմից մի շարք նախապայմանների կատարումից։ «Դրանց թվում են կոռուպցիայի դեմ պայքարի ուժեղացումն ու ազգային փոքրամասնությունների իրավունքների պաշտպանությանն ուղվված քայլերը», - հաղորդում է Reuters գործակալությունը։
