Ֆրանսիան Հայաստանի և հայերի կողքին է, ժամեր առաջ X սոցիալական ցանցում գրել է Ֆրանսիայի զինված ուժերի նախարար Սեբաստիեն Լըքորնյուն:
«Մեր մշտական և վճռական աջակցությունը չի թուլանում», - ընդգծել է Լըքորնյուն՝ կարճ տեսանյութ հրապարակելով հայաստանցի գործընկեր Սուրեն Պապիկյանի օրեր առաջ Փարիզ կատարած այցից և համատեղ ասուլիսից:
Հայաստանի պաշտպանության նախարարի այցի շրջանակում փաստաթղթեր ստորագրվեցին հայ-ֆրանսիական ռազմական համագործակցության, մասնավորապես՝ Ֆրանսիայի կողմից Հայաստանին հակաօդային պաշտպանության արդիական համակարգերի մատակարարման վերաբերյալ:
