Հայաստանի և Ֆրանսիայի պաշտպանության նախարարների հանդիպմանը տեղ կգտնեն նաև ռազմական համագործակցության որոշ էլեմենտներ, լրագրողների հետ զրույցում ասաց ԱԺ Պաշտպանության և անվտանգության հարցերի հանձնաժողովի նախագահ Անդրանիկ Քոչարյանը։
Ֆրանսիայի զինված ուժերի նախարար Սեբաստիեն Լըքորնյուն նախօրեին հայտնել էր, որ Երևանն ու Փարիզը ստորագրելու են ռազմական մատակարարումների պայմանագիր: Սուրեն Պապիկյանը հոկտեմբերի 22-ին աշխատանքային այցով մեկնել է Փարիզ։
Անդրանիկ Քոչարյանը, սակայն, այլ մանրամասներ նախատեսվող համագործակցության մասին չհայտնեց, այդ թվում, թե ռազմական մակատակարարումների պայմանագիրը ինչպես է կնքվելու, ինչպես է դա մտնելու Հայաստան, ինչ ճանապարհով։ Նա ասաց, որ հոկտեմբերի 30-ին Ազգային ժողովում սկսվում են բյուջետային քննարկումները, կքննարկվեն նաև պաշտպանական ոլորտին առնչվող հարցեր։
