Կարևոր է, որ տարածաշրջանային խնդիրները լուծվեն տարածաշրջանի երկրների մասնակցությամբ՝ «3+3» ձևաչափով։
Այդ մասին Ադրբեջանի նախագահ Իլհամ Ալիևն ասել է Ռուսաստանի անվտանգության խորհրդի քարտուղար Նիկոլայ Պատրուշևի հետ Բաքվում տեղի ունեցած հանդիպման ընթացքում:
Զրուցակիցները մտքեր են փոխանակել Ադրբեջանի, Ռուսաստանի և Իրանի միջև Հյուսիս-Հարավ տրանսպորտային միջանցքի զարգացման վերաբերյալ:
«Ռոսիյսկայա գազետա» օրաթերթի փոխանցմամբ, Պատրուշևն Ալիևին Ռուսաստանի նախագահ Վլադիմիր Պուտինի սրտանց ողջույններն է փոխանցել:
Ադրբեջանի ղեկավարն, իր հերթին, խնդրել է փոխանցել պատասխան ողջույնները՝ նշելով, որ գնահատում է իր բարեկամությունը Ռուսաստանի ղեկավարի հետ։
