Եվրոպական միության երկրների արտաքին գործերի նախարարները վաղը՝ հոկտեմբերի 10-ին, գումարելու են արտահերթ ժողով և քննարկելու են Իսրայելում ու ամբողջ Մերձավոր Արևելքում ստեղծված իրավիճակը:
Այդ մասին X-ի միկրոբլոգում գրել է Եվրամիության արտաքին հարաբերությունների և անվտանգության հարցերով բարձր ներկայացուցիչ Ժոզեպ Բորելը:
«Եվրոպական միությունը, բոլոր 27 երկրները հստակ հայտնել են, որ դատապարտում են Իսրայելի վրա «Համաս»-ի սարսափելի հարձակումները, և ընդգծել են, որ Իսրայելն ունի պաշտպանվելու իրավունք՝ համաձայն միջազգային իրավունքի», - ասել է Բորելի խոսնակ Պետեր Ստանոն:
Եվրամիությունը վաղը քննարկելու է այդ հակամարտության հետևանքով տուժածներին սատարելու հնարավորությունը:
