2023 թվականի Խաղաղության Նոբելյան մրցանակը շնորհվել է իրանցի իրավապաշտպան Նարգիզ Մոհամմադիին:
Իրանցի ակտիվիստը գտնվում է Իրանի բանտերից մեկում։
Նորվեգիայի Նոբելյան կոմիտեի հաղորդագրության համաձայն Մոհամմադին նման բարձր պարգևի է արժանանում «կանանց նկատմամբ ճնշումների դեմ իր պայքարի համար»։
Մոհամադին բանտում է անցած տարվա նոյեմբերից։ Մինչ այդ նա 13 անգամ բանտարկվել է և հինգ անգամ ազատազրկման դատապարտվել:
Իրանի դատարանը նրան ընդհանուր առմամբ 31 տարվա ազատազրկման է դատապարտել։ Նա երկրորդ իրանցի կինն է, որն արժանանում է Խաղաղության Նոբելյան մրցանակի։
2003 թվականին այդ պարգևը շնորհվել էր իրավապաշտպան Շիրին Էբադիին:
