«Եվրախորհրդարանի հոկտեմբերի 5-ի հակաադրբեջանական բանաձևը անպատասխանատվության, կողմնակալության և տգիտության օրինակ է»: Այդ հայտարարությամբ, ըստ Trend լրատվական գործակալության, հանդես է եկել Թուրքիայի արտաքին գործերի նախարարութունը:
«Մենք դատապարտում ենք այդ բանաձևը, որը հիմնված է մեր երկրի դեմ տրամադրված մի խումբ պոպուլիստական պատգամավորների հռետորաբանության վրա, նրանք երկար տարիներ որոշումներ են ընդունել Թուրքիայի դեմ և ներկայացրել են անխոհեմ մեղադրանքներ ու պահանջներ»,- ասվում է հայտարարությունում:
Գերատեսչությունը պնդում է, որ Թուրքիան «ինտենսիվ ջանքեր է գործադրում Հարավային Կովկասում կայունություն և բարգավաճում հաստատելու և Հայաստանի հետ հարաբերությունները կարգավորելու համար»:
