Եվրամիության խորհրդի նախագահ Շառլ Միշելը, անդրադառնալով Գրանադայի հանդիպմանը Ադրբեջանի նախագահի բացակայությանը, հայտարարել է՝ դա նրա որոշումն է, որ ինքը չի ցանկանա հրապարակային մեկնաբանել։
Անդրադառնալով Ղարաբաղում ճգնաժամին, Միշելը հայտարարել է․ - «Նախ և առաջ, մենք ցնցված ենք Ադրբեջանի որոշումից՝ ռազմական ուժ կիրառել, երկրորդը՝ ես հեռախոսազրույց ունեցա երկու օր առաջ Ադրբեջանի նախագահ Իլհամ Ալիևի հետ, նա հստակ հայտարարեց, որ իրենք Հայաստանի դեմ տարածքային նկրտումներ ու պահանջներ չունեն։ Սա պետք է հստակ բարձրաձայնվի կարծում եմ, որ երկու երկրները ճանաչում են միմյանց տարածքային ամբողջականությունը։ Եվ երրորդ՝ մենք կօգնենք Հայաստանին հաղթահարել Ադրբեջանի կողմից սկսված ռազմական գործողության հետևանքները։ Բազմաթիվ փախստականներ կան Հայաստանում, և մենք պետք է հումանիտար օգնություն տրամադրենք»։
«Մենք պետք է նաև հաշվի առնենք, որ Հայաստանը ցանկանում է ամրացնել կապերը Եվրամիության հետ։ Մենք երկու տարի առաջ խոստացել ենք Հայաստանին 2 միլիարդ եվրոյի ներդրումային փաթեթի վերաբերյալ, մենք պետք է կատարենք այդ խոստումը և չենք կարող հապաղել։ Հայաստանը կարիք ունի մեր աջակցության», - ընդգծել է ԵՄ խորհրդի նախագահը։
Տե՛ս նաև այստեղ
