Ադրբեջանի իշխանությունները սկսել են Լեռնային Ղարաբաղում բնակվող հայերի գրանցման գործընթացը՝ նրանց իրավական կարգավիճակը որոշելու համար։ Այս մասին հայտնել է Ադրբեջանի նախագահ Իլհամ Ալիևի աշխատակազմը։
Ըստ Բաքվից ստացված հաղորդագրության, «տարածաշրջանի հայ բնակչության կայուն վերաինտեգրումն ապահովելու նպատակով Ղարաբաղում սոցիալական, հումանիտար, տնտեսական և ենթակառուցվածքային խնդիրների լուծման աշխատանքային խմբին հանձնարարվել է որոշել այդ անձանց իրավական կարգավիճակը»:
«Այս գործընթացի առաջին փուլով ենթադրվում է գրանցել Ղարաբաղի տնտեսական տարածաշրջանում բնակվող հայ բնակիչներին», - ասվում է Ադրբեջանի նախագահի աշխատակազմի հրապարակած հաղորդագրությունում:
