Հայկական Կարմիր խաչի ընկերությունը ներկա պահին ունի 3000 անձի համար ոչ պարենային ապրանքների, կանխիկ և հոգեսոցիալական աջակցություն տրամադրելու հնարավորություն, ասված է Արցախից տեղահանվածներին օգնություն տրամադրելու մասին ընկերության հաղորդագրության մեջ։
Ըստ այդմ, կառույցը հնարավորություն կունենա աջակցել տուժած բնակչությանը դրամական օգնության, սննդի և ոչ պարենային ապրանքների աջակցության, երեխաների պաշտպանության, արտակարգ իրավիճակներում կրթության կազմակերպման և այլ ուղղություններով։
Հայկական Կարմիր խաչի ընկերությունը կիրականացնի կարիքների արագ գնահատում, որին կհաջորդի ԿԽՄԿ հետ համագործակցությամբ կարիքների խորը և բազմակողմանի գնահատումը։ Դրանց արդյունքների հիման վրա հետագայում կիրականցվի ռեսուրսների միջազգային և տեղական հավաքագրում՝ միջնաժամկետ և երկարաժամկետ աջակցության ծրագրեր իրականացնելու համար։
Այսօր արցախցիների առաջին խումբը տեղափոխվել է Հայաստան։ Նրանք Սյունիքում են։
