Հայաստանի պաշտպանության նախարարությունը հերքում է Ադրբեջանի ռազմական գերատեսչության հաղորդումը ահմանագոտու արևելյան և հյուսիսարևելյան հատվածում տեղակայված ադրբեջանական դիրքերի ուղղությամբ հայկական կողմի կրակ բացելու վերաբերյալ։
Բաքվի պնդմամբ՝ Հայաստանի Զինված ուժերի ստորաբաժանումները սեպտեմբերի 13-ի ժամը 21։35-ից մինչև սեպտեմբերի 14-ի ժամը 00։45-ը գնդակոծել են ադրբեջանական դիրքերը Քելբաջարի շրջանի Մոլլաբայրամլի և Թովուզի շրջանի Աղդամ բնակավայրերի ուղղություններով, Արցախի Պաշտպանության բանակն էլ կեսգիշերին գնդակոծել է ադրբեջանական դիրքերը Քելբաջարի ուղղությամբ։
Լեռնային Ղարաբաղի պաշտպանության բանակը վերջին հաղորդումը հերթական ապատեղեկատվություն է որակում՝ իր հերթին տեղեկացնելով գիշերը Մարտակերտի շրջանում ադրբեջանական զինուժի կողմից հրադադարի խախտման մասին, կորուստներ չկան։
