«Տարածաշրջանում պատերազմ չի լինի», - այսօր Թեհրանում, կառավարության նիստի ավարտին հայտարարել է Իրանի պաշտպանության նախարար Մոհամադ Ռեզա Աշտիանին՝ մեկնաբանելով Հայաստանի և Ադրբեջանի միջև վերջին օրերին նկատվող լարվածությունը։
«Իսլամական Հանրապետության մոտեցումը տարածաշրջանային աշխարհքաղաքական զարգացումների հանդեպ շատ հստակ է», - նախարարի խոսքերն է փոխանցում IRNA գործակալությունը։
«Իրանի Զինված ուժերի Գլխավոր շտաբում օրերս կայացած խորհրդակցությունից հետո Իսլամական Հանրապետությունը հստակորեն ընդգծել է, որ տարածաշրջանում աշխարհքաղաքական որևէ փոփոխություն չի հանդուրժի», - նշել է Աշտիանին՝ հավելելով. - «Կովկասում վերջին զարգացումների առումով որևէ առանձնահատուկ իրադարձություն չենք կանխատեսում»։
