Ռուսաստանի նախագահ Վլադիմիր Պուտինը և Հյուսիսային Կորեայի առաջնորդ Կիմ Չեն Ընը հանդիպել և բանակցություններ են վարում Ամուրի մարզի «Վոստոչնի» տիեզերակայանում։ Սպասվում է, որ հանդիպումը կտևի մի քանի ժամ։
Պուտինը հանդիպման վայր էր ժամանել մի քանի րոպե շուտ։ «Ռոսկոսմոս»-ի ղեկավար Յուրի Բորիսովը նախագահի հետ սպասում էր Հյուսիսային Կորեայի առաջնորդին։ Արարողությանը հետևել են ռուս և հյուսիսկորեացի լրագրողներ։
Հանդիպմանը նախատեսվում է ՌԴ փոխվարչապետների, ՌԴ ԱԳ նախարար Սերգեյ Լավրովի, պաշտպանության նախարար Սերգեյ Շոյգուի և տրանսպորտի նախարար Վիտալի Սավելևի մասնակցությունը։
Ավելի վաղ հաղորդվել էր, որ առաջնորդները կշփվեն պատվիրակությունների մասնակցությամբ, իսկ անհրաժեշտության դեպքում առանձնազրույց կունենան։
