Հայաստանի ռազմական գերատեսչությունը իրականությանը չհամապատասխանող տեղեկություն է համարում Բաքվի հաղորդումը։
«Ադրբեջանի պաշտպանության նախարարության հաղորդագրությունն այն մասին, թե սեպտեմբերի 12-ին` ժամը 09։45-ից 10։00-ն ընկած ժամանակահատվածում, ՀՀ ԶՈՒ ստորաբաժանումներն իբր կրակ են բացել սահմանագոտու հարավարևմտյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը», - ասված է Պաշտպանության նախարարության հաղորդագրությունում:
Բաքուն, մանսավորապես, հողորդել է, որ վերոնշյալ ժամանակահատվածում «Հայաստանի զինված ուժերի ստորաբաժանումները հայկական դիրքերից տարբեր տրամաչափի հրետանային զինատեսակներից բազմիցս կրակել են Նախիջևանի Սադարակի շրջանի դիրքերի ուղղությամբ։ Ադրբեջանական բանակի ստորաբաժանումները պատասխան միջոցներ են ձեռնարկել»։
