Հայաստան է ժամանում Փարիզի քաղաքապետ Անն Իդալգոն, որը վաղը Երևանից կուղեկցի հումանիտար բեռները դեպի Լաչինի միջանցք:
Արցախին այդ օգնությունը տրամադրել են Փարիզի և ֆրանսիական մի շարք խոշոր քաղաքների իշխանությունները, գրում է Կովկասում Ֆրանսիայի գործունեությունը լուսաբանող Caucasefrance.com կայքը։
«Մենք կփորձենք տեղ հասցնել առաջին անհրաժեշտության ապրանքներով բեռնված 10 բեռնատար», - ասել է Մարսելի քաղաքապետ Միշել Ռյուբիրոլան:
Պատվիրակության կազմում են նաև Ֆրանսիայի Սենատի անդամ Բրյունո Ռետայոն, Օ-դը-Ֆրանս շրջանի ղեկավար Քսավիե Բերտրանը, Ստրասբուրգի քաղաքապետ Ժաննա Բարսեղյանը և այլք:
