Ուկրաինայի նախագահ Վլադիմիր Զելենսկին, պատասխանելով ՆԱՏՕ-ին Կիևի անդամակցության դիմաց հնարավոր տարածքային զիջումների մասին հարցին, ասել է, որ Հյուսիսատլանտյան դաշինքին միանալու հնարավորության դիմաց Ուկրաինան պատրաստ է փոխանակել միայն ռուսական Բելգորոդ քաղաքը։
Բելգորոդը Ուկրաինային սահմանակից ռուսաստանյան քաղաք է, որը պարբերաբար գնդակոծությունների է ենթարկվում Ուկրաինայի զինված ուժերի կողմից։
Ուկրաինայի առաջնորդի հայտարարությունը հնչել է Դանիայի վարչապետ Մետե Ֆրեդերիկսենի հետ համատեղ ասուլիսում։ Մինչ այդ էլ Նիդեռլանդներում Զելենսկին նույն հարցին ի պատասխան բացառել էր ուկրաինական տարածքների հետ «ինչ-որ բան փոխանակելու» հնարավորությունը։
Անցած շաբաթ ՆԱՏՕ-ի գլխավոր քարտուղարի գրասենյակի ղեկավար Ստիան Յենսենը հայտարարել է, թե իր կարծիքով՝ պատերազմի ավարտի փուլերից մեկը կարող է լինել Ուկրաինայի հրաժարումը իր տարածքի մի մասից՝ Հյուսիսատլանտյան դաշինքին անդամակցելու դիմաց։ Դաշինքի պաշտոնյայի հայտարարությունը հարուցել էր Կիևի կոշտ արձագանքը, ինչից հետո Յենսենն իր խոսքերը «սխալ է» է որակել՝ պարզաբանելով թե դրանք հնչել են «ապագայի սցենարների շուրջ լայն քննարկումների» ենթատեքստում։
