Ուկրաինայի պաշտպանության փոխնախարար Աննա Մալյարի հավաստմամբ՝ ուկրաինացի զինվորականներն ազատագրել են Դոնեցկի մարզի Ուրոժայնոյե գյուղը, որի համար վերջին օրերին կատաղի մարտեր էին ընթանում։
«Ուրոժայնոյեն ազատագրեցին: Մեր պաշտպաններն ամրապնդվում են գծերի վրա։ Գրոհային գործողությունները շարունակվում են», - գրել է Մալյարն իր Տելեգրամ ալիքում։
Երկուշաբթի օրը փոխնախարարը հայտնել էր, որ ուկրաինացի զինվորականները «որոշակի առաջընթաց» են գրանցել Ուրոժայնոյեում։
