Ադրբեջանի պետական սահմանապահ ծառայության զինծառայողները, ըստ պաշտոնական հաղորդագրության, այսօր՝ օգոստոսի 1-ին, «բերման են ենթարկել Հայաստանի քաղաքացի «Բեգլարյան Ռաշիդին» (ծնված 1962 թ.)։
Ըստ Բաքվի՝ քաղաքացին «խախտել է» ադրբեջանա-հայկական պետական սահմանը Լաչինի շրջանի Աղավնո (Զաբուխ) գյուղի տարածքով անցնող հատվածում։
Հայկական կողմը ավելի ուշ հաղորդագրություն տարածեց, նշելով, որ նա 2020թ. պատերազմի հետևանքով տեղահանվել է Շուշի քաղաքից, իսկ վերջին օրերին գտնվում էր Շուշիի շրջանի Հին շեն գյուղում:
«Ըստ նախնական տեղեկությունների՝ մոլորվելու հետևանքով ընկել է ադրբեջանական վերահսկողության տակ:
Հանգամանքները ճշտվում են լիազոր մարմինների կողմից: Արցախի իշխանությունները տեղեկացրել են ՌԴ խաղաղապահ զորակազմին միջադեպի մասին», - փոխանցում են Արցախի տեղեկատվական շտաբից:
