Վաղը Վիլնյուսում գումարվող ՆԱՏՕ-ի գագաթնաժողովի շրջանակներում տեղի կունենա Թուրքիայի և Միացյալ Նահանգների նախագահներ Ռեջեփ Թայիփ Էրդողանի և Ջո Բայդենի հանդիպումը:
Ենթադրվում է, որ նախագահները կքննարկեն ՆԱՏՕ-ին Շվեդիայի անդամակցման, F-16 մարտական օդանավերի գործարքի և ռուս-ուկրաինական պատերազմի թեմաները:
Բացի այդ, Վիլնյուսում նախատեսվում է Էրդողանի, ՆԱՏՕ-ի գլխավոր Յենս Ստոլտենբերգի և Շվեդիայի վարչապետ Ուլֆ Կրիստերսոնի եռակողմ հանդիպումը:
Էրդողանը Վիլնյուսում առանձին հանդիպում կանցկացնի նաև Եվրոպական խորհրդի նախագահ Շառլ Միշելի հետ:
