Ատոմային էներգիայի միջազգային գործակալության (ԱԷՄԳ) ղեկավարը չի հաստատում Զապորոժիեի ատոմակայանի ականապատման մասին տեղեկությունները։
«Մենք տեղյակ ենք երկու կողմերի պնդումներին և հայտարարություններին: Վերջին ստուգումների ժամանակ մենք ականապատման որևէ նշան չենք արձանագրել, բայց մենք ծայրահեղ զգուշավոր ենք», - Մոսկվայում կայացած մամուլի ասուլիսում հայտարարել է ԱԷՄԳ-ի ղեկավար Ռաֆայել Գրոսին։
Նա նշել է, որ «մի քանի ժամ առաջ» է կապ հաստատել Զապորոժիեի ատոմակայանում Գործակալության մշտական առաքելության փորձագետների հետ։
Ավելի վաղ Ուկրաինայի հետախուզության գլխավոր վարչության ներկայացուցիչ Անդրեյ Յուսովը հայտնել էր, որ Զապորոժիեի ատոմակայանի մի քանի կառույցներ ականապատվել են ռուսական զորքերի կողմից։ Հուլիսի 5-ին Ուկրաինայի նախագահ Վլադիմիր Զելենսկին Գերագույն գլխավոր հրամանատարի շտաբի ընդլայնված նիստ է անցկացրել, որի ընթացքում, մասնավորապես, քննարկվել է կայանում տիրող իրավիճակը։
