Պաշտպանության նախարարությունը երկրորդ հայտարարությունն է տարածել`Պրիգոժինին ռազմական հեղաշրջման մեղադրանք առաջադրելուց հետո:
Դրանում ռազմական գերատեսչությունը պնդում է, թե վարձկաններին «խաբեությամբ են ներքաշել խռովության մեջ»։
«Որոշ ընկերներ արդեն հասկացել են իրենց մեղքը և դիմել`անվտանգ շարքեր վերադառնալու խնդրանքով», - նշել է գերատեսչությունը:
Նախարարությունը պնդում է, թե կերաշխավորի բոլոր այն մարտիկների անվտանգությունը, որոնք կհամաձայնեն զենքերը վայր դնել:
«Հորդորում ենք խոհեմություն ցուցաբերել և արագորեն կապի դուրս գալ Ռուսաստանի պաշտպանության նախարարության կամ իրավապահների հետ», - ասված է ուղերձում:
Ավելի վաղ իր ելույթում նախագահ Պուտինը պնդել էր, թե Ռուսաստանի զինված ուժերը հրահանգ են ստացել չեզոքացնել ռազմական խռովության կազմակերպիչներին։
«Նրանց նկատմամբ կձեռնարկվեն վճռական, կոշտ միջոցներ», - ասել էր Կրեմլի ղեկավարը:
