«Դոժդ» հեռուստաընկերությունը տեսանյութ է հրապարակել, որում «Վագների» ղեկավար Եվգենի Պրիգոժինի պնդում է, թե իր ստորաբաժանումները վերահսկողության տակ են վերցրել Ռոստովի օդանավակայանը և բոլոր ռազմական օբյեկտները։
Ըստ Պրիգոժինի՝ տեսանյութը նկարահանվել է Հարավային ռազմական օկրուգի շտաբում, որտեղ նա բանակցում է Ռուսաստանի պաշտպանության փոխնախարար Յունուս-Բեկ Եվկուրովի հետ։
«Վագների» ղեկավարը կրկին քննադատել է Ռուսաստանի ռազմական ղեկավարությանը, ասելով, թե նրանց պատճառով ռուսները մեծ կորուստներ են կրում ռազմի դաշտում`«3-4 անգամ ավելի, քան ներկայացվում է»:
Մինչ այս պահը ոչ նախագահ Պուտինը, ոչ պաշտպանության նախարար Սերգեյ Շոյգուն, ոչ էլ Գլխավոր շտաբի պետ Վալերի Գերասիմովը Պրիգոժինի գործողություններն ու հայտարությունները չեն մեկնաբանել:
Մինչ այդ Ռոստովի բնակիչները տեսանյութեր են տարածում, որոնցում երևում է, թե ինչպես են «Վագների» վարձականները զրահամեքենաներով մտել քաղաք: Արևմտյան լրատվամիջոցներին դեռ չի հաջողվել հաստատել այս տեսանյութերի իսկությունը:
