Թուրքիայի նախագահ Ռեջեպ Թայիփ Էրդողանն ամերիկյան իշխանություններից պահանջել է բացահայտել Նյու Յորքում գործող «Թուրքական տան» վրա կատարված հարձակումը։
ՄԱԿ-ում Թուրքիայի մշտական ներկայացուցչության և Նյու Յորքում Թուրքիայի գլխավոր հյուպատոսության նստավայր հանդիսացող շինությունը հարձակման էր ենթարկվել նախօրեին, կոտրվել էին շենքի մուտքի ապակիները։
«Դուք պետք է այդ ահաբեկիչներին արագորեն գտնեք և դիմեք համապատասխան միջոցների», - դիմելով ամերիկացիներին հայտարարել է Էրդողանը՝ հավելելով. - «Եթե նմանատիպ միջադեպ տեղի ունենար Թուրքիայի տարածքում [ամերիկյան շինության հետ], այդ դեպքում ինչպե՞ս էիք արձագանքելու»։
