Հայությունն ունի բավարար ներուժ հաղթահարելու առկա մարտահրավերները և բեկում մտցնելու վիճակի մեջ, իրենց ուղերձում հայտարարեցին Կոռիձորում հանուն Արցախի փրկության հանրահավաքի մասնակիցները։
«Հայության դիմադրության ոգին անկոտրում է, Ադրբեջանը մեծ գին է վճարելու իր ցանկացած սադրանքի ու ագրեսիվ գործողության համար։ Արցախի ազատության ու ինքնորոշման իրավունքի իրացման դեմ կատարվող ցանկացած գործողություն արժանանալու է հակազդեցության, ում կողմից էլ որ այն կատարվի», - ասված է հայտարարության մեջ։
Նշվում է նաև, որ Արցախի ինքնիշխանության և արցախահայության անվտանգության ապահովմանն ուղղված ռազմավարական ծրագրի մշակումն ու գործադրումը Հայաստանի և Արցախի իշխանությունների պարտավորությունն է։
ՀՅԴ ներկայացուցիչ Հրանտ Մարգարյանն, իր հերթին, հավելեց, որ կամք կա՝ երկրին տեր կանգնելու համար, և որ սա հենց կամքի հանրահավաք է։
Խորհրդարանի «Հայաստան» խմբակցության պատգամավոր Քրիստինե Վարդանյանն իր ֆեյսբուքյան էջում հայտնել է, որ Ստեփանակերտից նույնպես երթով մարդիկ շարժվում են Կոռնիձորում հանրահավաք իրականացնողներին ընդառաջ։
