Չեխիան պատժամիջոց է սահմանել Մոսկվայի և Համայն Ռուսիո պատրիարք Կիրիլի (Վլադիմիր Գունդյաևի) նկատմամբ: Նա դարձել է չեխական ազգային պատժամիջոցների ցանկում հայտնված առաջին ռուսաստանցին:
«Կիրիլն օգտագործում է Ռուսաց Ուղղափառ եկեղեցու առաջնորդի դիրքը Ռուսաստանի ագրեսիան քարոզների և հանրային ելույթների միջոցով արդարացնելու և բացատրելու նպատակով»,- ասվում է Չեխիայի արտաքին գործերի նախարարության այսօրվա հաղորդագրությունում:
Պատժամիջոցները ենթադրում են երկիր այցելելու, ինչպես նաև ֆինանսական գործառույթներ իրականացնելու արգելք և ցանկացած տեսակի գույքի սառեցում:
