Ուկրաինա է վերադարձել 12 գերեվարված անձ, այդ թվում՝ հինգ ծանր վիրավոր զինծառայող, հայտնում է Ուկրաինայի ռազմագերիների հարցերով համակարգման շտաբը։
Տուն վերադարձածներից տասը ուկրաինացի զինվորներ և Ուկրաինայի զինված ուժերի սերժանտներ են, որոնք գերի են ընկել Բախմուտի, Դոնեցկի մարզի, ինչպես նաև Լուգանսկի շրջանի գյուղերի մոտ։
Վերադարձված նախկին գերիների թվում կա նաև երկու խաղաղ բնակիչ, որոնք պատանդ են վերցվել Մարիուպոլում և Խարկովի մարզի Լիպցի գյուղում։
Մարտի 24-ին Ուկրաինան Ռուսաստանին է հանձնել ծանր վիրավոր գերիների։
Մարտի 7-ին Ուկրաինան և Ռուսաստանը կրկին ռազմագերիների փոխանակում էին իրականացրել, ինչի արդյունքում 130 ուկրաինացի և 90 ռուսաստանցիներ վերադարձել էին հայրենիք։
