Ռուսաստանի Պետական դումայի պաշտպանության մշտական հանձնաժողովի նախագահ Անդրեյ Կարտապոլովը չի բացառել, որ 2023 թվականի գարնանային զորակոչի ընթացքում բանակ կարող են տանել նաև մինչև 30 տարեկան քաղաքացիներին:
«Մինչև գարնանային զորակոչ յուրաքանչյուր զինկոմ պետք է պարզի, թե քանի մարդ է համապատասխանում նոր պահանջներին, ապա այդ տվյալները համապատասխանեցնի իր առաջ դրված ռազմական խնդրին», - ասել է Կարտոպոլովը:
Նա պարզաբանել է, որ այս պահին իշխանությունները մտադիր են հստակեցնել նորակոչիկների տարիքային վերին շեմը:
«Պայմանական ասած, ենթադրենք, տվյալ զինկոմիսարիատում հաշվառված են բանակում չծառայած և այդ առումով բավարար հիմնավորումներ չներկայացրած 21-ից 30 տարեկան 100 քաղաքացիներ, իսկ խնդիրը 200 մարդկանց զորակոչելն է, ապա դրա կեսը՝ ինչպես և նախկինում, կկազմեն 18 տարեկանները, մյուս կեսը՝ 21-ից 30 տարեկանները», - նշել է Կարտապոլովը:
Անցյալ տարվա դեկտեմբերի 21-ին պաշտպանության նախարար Սերգեյ Շոյգուն նախագահ Վլադիմրի Պուտինին առաջարկել է զորակոչի տարիքային ստորին շեմ սահմանել 18-21 տարեկանը և վերին շեմ՝ 27-30 տարեկանը: Պուտինը հավանություն է տվել երկու առաջարկներին:
