Զբոսաշրջիկները և Սանտոս ավանի բնակիչները հարգանքի տուրք են մատուցում Ֆուտբոլի արքա Պելեին, ով վախճանվել է դեկտեմբերի 29-ին Սան Պաուլուի հիվանդանոցում:
Բրազիլացի ամենահայտնի ֆուտբոլիստի մահվան կապակցությամբ երկրում եռօրյա սուգ է հայտարարվել:
Հուղարկավորության արարողությունը տեղի կունենա հունվարի 2-ին: Ենթադրվում է, որ երկրպագուները Պելեին նախ հարգանքի տուրք կմատուցեն Սանտոսի Urbano Caldeira մարզադաշտում, ապա սգավորները խորհրդանշական երթով կանցնեն Ֆուտբոլի արքայի 100-ամյա մոր տան մոտով:
Պելեի դին հողին կհանձնեն Սանտոս ավանի Էկումենիկ գերեզմանոցում՝ հանգուցյալ ազգականների կողքին:
Էդսոն Արանտես Դու Նասիմենտուն համարվում է մոլորակի ամենահայտնի և լավագույն ֆուտբոլիստը:
